Binne De Wuilus kinne persoeëne wies Iere Leeje waere benump wennier zeej beej beëindiging ván eur lidmaatschap minstes 11 jaor lid zien gewes ván de Raod ván Elluf of de Wuiluspliessie. ’t Zien leje die zich langdurig en op beteikenisvolle wies hebbe ingezat vur de vereiniging en de Gekke Maondaag, en daomei eur spore hebbe verdind.

Iere Leeje blieve actief betrokke beej de vereiniging. Zoeë organisere zeej jaorliks ’t traditionele Kers Kiene op Derde Kersdaag en reike zeej sinds 2026 de Kieëskop oet.