In ’t jaor 1950 waort in Velde “Gekke Maondaagvereineging De Wuilus” opgerich.

‘t Geüniformeerde gedeilte ván de vereineging besteit oet de Raod ván Elluf, de Vors-Veurzitter en de Sirremoniemeister. Gedeurende ‘t seizoen behuure de prins en zien twieë adjudante ok tot de vereineging.

Daonaeve haet De Wuilus un eige gendarmèrie, de Wuiluspliessie bestaonde oet inkele manne die ás houftaak de bescherming ván de Prins en adjudante hebbe. De Wuiluspliessie is ingedeild met unne eige kómmandant. Tiggewaordig besteit de Wuiluspliessie oet enne vaste kern aangevuld mit vrinde ván ’t Trio.

De vereineging haet twieë dansgardes binne de geledere. Beide gardes waere ut ganse jaor waekeliks getraind daor diverse trainsters en begeleiders. Daonaeve haet de vereiniging twieë minigardes, mit megjes oet de laeftied ván 7 t/m 10 jaor.

De vereineging besteit daonaeve oet bühnemeisters en optoch kómmissarisse. Zeej zörge vur en vlekkeloos verloup ván de aktiviteite zoeëás de zittinge en ‘t prinsebal. Ok drage zeej zörg vur ‘t vlot verloupe ván d’n optoch.

Ok haet de vereiniging Iere Leje. Mier informasie uvver de Iere Leeje vind se op daes pagina.

Boete ‘t geüniformeerde gedeilte haet de vereineging un Ald Prinse en Ald Adjudante vereineging. Beide vereineginge zien altied aanwaezig tiejes de zittinge en ‘t prinsebal.

Heejnaeve zien d’r nog tal ván vreejwilligers aktief binne diverse kómmissies, zoeëás de kleidingkómmissie, de meziekkómmissie, de Wuiluskrantkómmissie, etc.

Al met al un breid gedrage klub oet de Veldese samelaeving, ván en vur Velde, met ás doel de Gekke Maondaagstradisie in Velde in stand te halde.