De moeëjsten daag ván ’t jaor kómme d’r wir aan! 24 t/m 27 jannewari steit Velde wir op de kop en zien we vaer daag lang in de ban ván ózze Gekke Maondaag. Baove in de foto zuus se ’t exacte programma. Gaer lichte we twieë nieje elemente oet:
Sjoenkele! ’t Nieje sjoenkelevenement ván De Wuilus. Lekker alderwets meideine op Veldese, Venlose en Limburgse klassiekers, en dát vur jónk en ald! Ein zittend evenement wát vreej toegankelik is vur idderein.
Kinderdisco | ’t Nieje kinderevenement vur alle laeftieje (vánaaf peuters). Lekker rauze, springe en zinge op kinderdisco-klassiekers! Uiteraard vreej toegankelik. Aansloetend begint de Femiliemiddaag mit Veldese (jeug)liedjes, gardedanse en Noeijt Thoes.
En let op: de Kinderoptoch begint al um 09:30 oor!
Daonaeve gelde dezelfde praktische zake ás de veurgaonde jaore: vaer daag gratis entree vur idderein en alle daag verkleid!
Vur mier info uvver ’t opgaeve vur d’n optoch, klik op daeze link.
En neteurlik bereid se dich maximaal vur op ózze Gekke Maondaag mit alle meziek ván De Wuilus.
Vur de letste actuele info, vlogs, podcasts, ’t Instagram-story-spel en vuuel mier volg se ós op Instagram en Facebook!