Op maondaag 30 jannewarie zal nao dreej jaor de Gekke Maondaagsoptoch wir alderwets in jannewarie door de Veldese straote trekke. Heb geej as groep al ein leuk thema bedach, ziet geej al druk in de waer mit de wage of bisse as einling al euver dien idee oèt? Dán vind geej heej alle informasie wie geej óg kint opgaeve vur ózze optoch.

Heej onder vind geej alle benuudigde formuliere m.b.t. ’t opgaeve vur de groeëte optoch:

Laever ’t opgaveformulier ‘Optochtopgave-2023’ in tiejes ein zitting ván ós Optochkemmissie. Tiejes daeze zitting kint geej ok vraoge stelle. De zittinge zien op de volgende momente, elke kier tusse 20:00 en 21:00 beej Kefee De Sport:

  • Donderdaag 5 jannewarie 2023
  • Donderdaag 12 jannewarie 2023
  • Donderdaag 19 jannewarie 2023
  • Donderdaag 26 jannewarie 2023

    Let op: per kategorie meug ein bepaald onderwerp mar 1x oètgebaeld waere. Zurg dát geej op tied óg gewinste onderwerp vaslegt.