Prinselik Trio

Zaoterdaag 14 mei 2022, naor dizze datum haet ós nieje trio toegelaef. In Velde waore ze al waeke aan ‘t gisse en tippe, wae wördt de nieje Prins??

De Wuilus is dán ok trots um te melde dát in unne volle BMV De Vilgaard in Velde, nao de spectaculaire Prinse act, Giel Boonen is oetgeraope ás Prins Giel d’n Derde de 71e Prins ván Gekke Maondaagsvereineging De Wuilus oet Velde. Ás adjudante waorte Bas Houben en Don Heijligers aan ‘t Veldes publiek geprissenteert.

Nao ‘t oetkómme braok ‘t fieës hielemaol los ónder leiding ván Linke Mik, W-Dreej en Bjorn en Mieke.

Volges de Wuilus tradisie is de Prins unne echte Veldenaer. Tradisie getrouw naet getrouwd, hae woeënt nog thoes en is nog gen dertig jaor.