Gekke Maondaagvereineging De Wuilus

In ’t jaor 1950 waort in Velde “Gekke Maondaagvereineging De Wuilus” opgerich.

‘t Geüniformeerde gedeilte ván de vereineging besteit oet de Raod ván Elluf, de Vors-Veurzitter en de Sirremoniemeister. Naeve de Raod ván Elluf kin de vereineging zoeëgenumde aspirant leeje. Dit zien vólwaardige leeje die ervaring opdaon um op termien in de Raod plaats te kinne naeme. Gedeurende ‘t seizoen behuure de prins en zien twieë adjudante ok tot de vereineging.

Daonaeve haet De Wuilus un eige gendarmèrie, de Wuiluspliessie bestaonde oet 4 manne die ás houftaak de bescherming ván de prins en adjudante hebbe. De Wuiluspliessie is ingedeild met unne eige kómmandant.

De vereineging haet twieë dansgardes binne de geledere, de Prinse Garde en de Juniore Garde. Beide gardes waere ut ganse jaor waekeliks getraind daor 4 trainsters en 3 begeleidsters

De vereineging haet vaerder 5 bühnemeisters / optoch kómmissarisse. Zeej zörge vur en vlekkeloos verloup ván de aktiviteite zoeëás de zittinge en ‘t prinsebal. Ok drage zeej zörg vur ‘t vlot verloupe ván d’n optoch.

Boete ‘t geüniformeerde gedeilte haet de vereineging un Ald Prinse en Ald Adjudante vereineging. Beide vereineginge zien altied aanwaezig tiejes de zittinge en ‘t prinsebal.

Heejnaeve zien d’r nog tal ván vreejwilligers aktief binne diverse kómmissies, zoeëás de kleidingkómmissie, de meziekkómmissie, de Wuiluskrantkómmissie, etc.

Al met al un breid gedrage klub oet de Veldese samelaeving, ván en vur Velde, met ás doel de Gekke Maondaagstradisie in Velde in stand te halde.