’t Liedjesmatinee krieg ein nieje naam: ’t Wuilus Meziek Festival. In samewerking mit de Jeugdinstuif Velde wördt op zóndaag 5 oktoeëber enne gezellige en muzikale middaag georganiseerd vur jónk en ald in BMV De Vilgaard.
De liedjeswedstrijd blief zoeë ás altied en belangriek onderdeil ván ’t programma. Mit daeze wedstried waere de dreej beste liedjes en ’t beste jeugliedje vur ’t nieje Gekke Maondaagsseizoen gekaoze. De beaordeiling is in hande ván enne vakjury en ’t aanwaezige publiek. De winnaers ontvange respectievelik de Jan Arts-trofee en de Hay Ewalts-trofee, die idder jaor waere oetgereik aan de beste liedjes.
Naeve de liedjeswedstried is d’r nag vuuel mier te belaeve. Zoeë zulle de gardes eure niejste gardedans vur ’t iers aan ’t publiek toeëne. Ok vur kinder is d’r volop vermaak. ’t Wuilus Meziek Festival begint um 13:30 aor en de zaal aopent um 13:00 aor. De entree bedraagt 4 euro.