wuilus (de; m.) groot of fors persoon; goedige, wat sullige figuur die zich dwaas gedraagt

Gekke Maondaagvereiniging De Wuilus is in 1950 opgerich daor ein groep enthousiastelinge oet ’t dörp, waorónder leje ván de plaatselikke ruiterclub Zeldenrust, inkele andere vereiniginge en kefeehalders. Zeej wilde de traditionele Gekke Maondaag, dae al langer informeel en spontaan waort gevierd in Velde, steviger organisere en vaortzette – mit enne Prins, de Raod ván Elluf en enne gestructureerde organisatie vur alle festiviteite.

De ierste officiële Gekke Maondaag vónd pláts in 1951 mit d’n optoch zoeë ás we dae nag stieëds kinne. Mit de kóms ván De Wuilus kwaome d’r mier aktiviteite, zoeë as de Brokke Dinsdaag, ‘n liedjesaovend en zittingen. Tiggewaordig besteit De Wuilus oet mier dán honderd vreejwilligers en leje, die nag stieëds de Gekke Maondaag en andere aktiviteite organisere. Heejónder vind geej de komplete Wuilusfemilie.