’t Is haos tied vur ós Zittingsweekend! Vriedaag 14 en zaoterdaag 15 november verandert BMV De Vilgaard wir in enne Wuilusarena vaol mit acts, meziek, dans en vuuel mier.
D’r zien nag kaertjes beschikbaar vur de vriedaag! De zaoterdaag is haos oetverkoch: heej zien nag inkele plaatse beej mekaar veur beschikbaar. Daes kaertjes zien te koup beej Schreve Juwelier en Optiek vur € 11,00 per stuk. Bin d’r op tied beej, want op = op!
’t Belaove in idder geval twieë prachtige aovend te waere mit boetedörpse én Veldese acts. Zoeë kómme Bas van Neer en Dirk Kouwenberg optreje. Daonaeve staon d’r wir geweldige Veldese acts op de bühne: de Ald Adjudante, De Kwis en Showtiet 2.0. Ok zien de Ald Prinse truuk nao eur spectaculaire rentree ván veurig jaor! Neteurlik toeëne ós gardes óg eure niejste danse en huurt geej de niejste Wuilusliedjes.
Zóndaag 16 november steit in ’t teike ván ’t Wuilusmatinee, wát gratis toegankelik is vur jónk en ald. ’t Wuilusmatinee begint um 13:30 aor.