Zóndaag 5 oktoeëber waort Joëll in enne drukke BMV De Vilgaard oetgeraope tot winnaer ván ’t Wuilus Meziek Festival. Hae scoorde de nummer ein plek mit ’t nummer ‘Gekke Maondaag, ik háld van dich’, mit de teks ván Maarten Jansen en de meziek ván Frits Tilburgs. Joëll geit mit de felbegaerde Jan Arts-trofee d’r ván door!
Op de twieëde plek eindigde de Ald Prinse mit ‘Naet Gaod Wies’. De teks is geschraeve door Willem Koopmans & Pim Geelen en de meziek is ván Frits Tilburgs. Op de derde plek eindigde Teun & Giovanni mit ‘De Gekke Maondaagsgek’. De teks is ván d’n hand ván Teun & Giovanni en de meziek is ván Frits Tilburgs.
Beej de Jeugdinstuif eindigde Marloes Heldens mit ‘Genne Stress’ op de ierste plek. Zeej ontving daodoor de Hay Ewalts-trofee. De teks is geschraeve door Willem Koopmans en de meziek is ván Frits Tilburgs.
De winnende liedjes waere geprissentaerd op 11 november en zien daonao te luustere via de diverse streamingsdinste. Neteurlik waere de liedjes ok ten gehuuere gebrach mit de Zittinge!