Binne De Wuilus kint men ennen eige gendarmerie: de Wuiluspliessie. Daeze groep draagt zörg vur de bescherming ván de Prins en zien adjudante. In de optoch ván 1952 laepe daes manne vur ’t iers mei um toe te zaen op de orde en um ’t officiële gezelschap te begeleide. End jaore ’50 waort de Wuiluspliessie opgehaeve, már gelukkig in 2001 wir hersteld.

De Wuiluspliessie steit ónder leiding ván ennen eige kommandant en besteit oet ’n vaste kern, aangevuld mit vrinde ván ’t Trio. Daes manne hebbe as houftaak de bescherming ván de Prins en zien adjudante en zörge daomei vur ein gaod verloup ván de Gekke Maondaag.