Op zóndaag 4 oktoeëber organiseert De Wuilus same mit de Jeugdinstuif Velde ’t Wuilus Meziek Festival. Enne gezellige en muzikale middaag vur jónk en ald in BMV De Vilgaard!
Verwach naeve de liedjeswedstried ok andere muzikale verrassinge: zoeë prissentaere ós gardes alvas eure allerniejste gardedans! Ok vur kinder is d’r volop vermaak.
Tiejes de liedjeswedstried waere de dreej beste liedjes en ’t beste jeugliedje vur ’t nieje Gekke Maondaagsseizoen gekaoze. De beaordeiling is in hande ván enne vakjury en ’t aanwaezige publiek. Wae geit d’r naor hoes mit de Jan Arts-trofee en Hay Ewalts-trofee en wördt daomei gries gedreijd in ós jubileumseizoen? Bin op tied vur en stumbiljet!
’t Wuilus Meziek Festival begint um 13:30 oor en de zaal äöpent um 13:00 oor. De entree bedraagt € 4,00.