De Wuilus haet mit trots zien 74e Prins oetgeraope. In ein bomvolle BMV De Vilgaard waort Prins Job (Heijligers) d’n Ierste en zien Adjudante Rens (Vermeulen) en Jimmy (Haanen) oetgeraope tot nieje Trio.
Prins Job I is 27 jaor en werkt ás commercieel medewerker beej Vandeloo Wire & Fencing in Venlo. Hae is mede-initiatiefnaemer ván de populaire voetbalplátjes-aksie ván IVO en Albert Heijn Jan Linders. Daonaeve is hae lid ván de PR-kemissie ván de Veldese revue. Adjudant Rens (27) werkt ás online marketeer beej De Marktwijzer in Remund. Adjudant Jimmy (22) combineert werk beej Calico Club mit copywriter beej Periscoop Agency. Alle dreej zien ze nauw betrokke beej ‘t Veldese vereinigingslaeve, waoronder SV Velden en IVO Velden.
Prins Job d’n Ierste en zien Adjudante Rens en Jimmy halde op zaoterdaag 18 jannewarie eur resepsie in BMV De Vilgaard um 19:30 aor. Nao de resepsie is d’r groeët fieës mit SJIEK.
’t Nieje Trio geit Velde veur in de Gekke Maondaag, dae op 27 jannewari plátsvindt. D’n optoch zal um 13:11 daor de Veldese straote trekke. De Gekke Maondaag wördt veer daag lang gevierd in de groeëte fieëstent vur de BMV.