Kómmend seizoen viere we ós 7×11 jäörig jubileum! ’n Hiel jaor lang pakke we oet mit toffe aktiviteite, leuke aksies en neteurlik hiel vuuel fieës vur idderein!

Naeve ’t reguliere seizoen mit de vertrouwde aktiviteite, waorónder neteurlik ’t Jubileum Prinsebal, steit d’r nag enne ganse boel extraatjes op de planning. Op daeze pagina prissentaere we alvas ’n aantal supertoffe aksies en evenemente um in dienen agenda te zette.

Via ós socials halde we óg op de huuegte. Vur Altied Same!

In 1950 waort De Wuilus opgerich. Iddere 11 jaor wördt groeëts oetgepak mit ’n jubileumjaor. Waor we in 2005 truukkaeke op ós ontstaon mit ’t thema ‘Binneste Boete’, ’n knipoug naor de boereknechte die vrujer eur jasse binneste boete drooge, dao waorte we in 2016 nag altied ‘Jonk, gek en gaaf’. Dit kier blikke we veuroet en verankere we ’t saamhaorigheidsgeveul ván de Gekke Maondaag in ós motto: ‘Vur Altied Same‘.