Vánwaege de huidige coronamaatregele mit betrekking tot de sloètingstiéd ván de horeka zien weej genoedzaakt de Zittinge op andere momente te halde dán geej gewind ziet. De reguliere Zittinge zulle plaatsvinde op zaoterdaag 13 en zóndaag 14 november, ván 15:49 wies ongevaer 20:00. Daonao zal d’r ein fiestelikke afterparty plaatsvinde in de foyer ván ’t BMV, ván 20:00 wies 00:00.

Op zièn vruugs verwach men op 1 november 2021 meugelik nieje versoepelinge. Door kinne weej helaas naet op wachte i.v.m. de veurbereidingstied. Vándaar dát weej dit lastige besloet hebbe motte naeme. ’t Wuilusmatinee, wat normaal op zóndaagmiddaag plaatsvind, wuurd doorgeschove naor volgend jaor.

Optraejes zien d’r dit jaor ván de buutreedners Boy Jansen, Joep de Wildt en Dirk Kouwenberg. Daonaeve traeje ok de Ald Adjudante, De Kwis, Sem de Wilde, òs gardes en de winnende liedjes veur óg op. De kaartverkoup is op 31 oktoëber vánaaf 11:00 begint beej Het Wapen van Velden.