In ein druk BMV werd ’t Liedjesmatinee ván De Wuilus in samewerking mit Jeugdinstuif Velden georganiseerd. Nao ein gezellige en muzikale middaag werd ’t liedje ‘Jan D’n Hamp’lemán’ oetgeroope tot winnaar. ’t Nummer wuurd gezonge door René Geelen & Marc Hovens, de teks en meziek is ván Wim Roeffen.

Nummer 2 beej de volwassene: “Nag eine dán”, gezonge door Janick & Camiel. Teks is ván Pim Geelen en meziek is ván Dave Detillon.

Nummer 3 beej de volwassene: “’t Klökske Rond”, gezonge door Enne Bink. Teks is ván Willem Koopmans, meziek is ván Marinho Peters.

Nummer 1 beej de Jeugdinstuif Velden: “Boekpien van ’t lache”, gezonge door Britt & Iva. Teks is ván Jan Arts en meziek is ván Henk Sneijers.

De liedjes zulle binnekort in de studio waere opgenaome en waere op de 11e van de 11e gelanceerd met ein clip. De Wuilus en de Jeugdinstuif dankt alle deilnaemers, teksschrievers, vakjury, komponiste, Linke Mik en bezeukers veur ein geweldige middaag!