Giel Geurts prins beej De Wuilus

De Wuilus is gruëts um te melde det in enne volle Kieësstolp in Velde, zaoterdaag 9 jannewarie, nao ein spectakulaire act van de Raod van Elluf en de Fanfaar, Giel Geurts as Giel d’n Twieëde is oètgeraope tot 60e prins van Gekke Maondaag vereineging De Wuilus oèt Velde.

Giel is d’n ièrste Wuilusprins in Groeët Venlo. As adjudante woorde Jens Hegger en Tom Verhaegh aan he Veldese publiek geprisenteerd. Nao het oètkóme brook ‘t fieës hielemaol los onder leiding van de populaire band (zoemaar).

Dit trio voetbalt same in de selectie IVO, waor door IVO waer hofleverancier van de Wuilus is. Prins Giel is 23 jaor en traditiegetrouw neet getrouwd. Giel studeert aan de Technische Universiteit in Eindhoven. Jens Hegger is 21 jaar ald, hae studeert aan de Sport academie in Tilburg. Tom Verhaegh is ok 21 jaor ald en volg de opleiding SPW en studeert veur onderwiès assistent 

Prins Giel d’n Twieëde en zièn adjudante Jens en Tom halde op zòndaag 17 jannewarie 2010 um 11 minute voor dreej resepsie in residentie Kefee De Bascule aan de Mert 7 in Velde.