Róndum ’t Gekke Maondaagsseizoen in mei kinne we begriepe dát d’r vraoge opspeule euver bepaalde zake en evenemente. Daorum hebbe weej heej onder de meist gestelde vraoge geformuleerd mit ’t antwaord. Moch ógge vraog heej naet beej staon, schroom dán naet um óg vraog te stelle via òzze Facebook– of Instagrampagina.

Zien de evenemente róndum Vur De Kerk Op ’t Plein gratis toegankelik?
Jao, alle evenemente die Vur De Kerk Op ’t Plein waere georganiseerd zien gratis toegankelik. D’r hoove dus gen kaertjes gekoch te waere.

Zien de evenemente verkleid?
D’n dresscode veur ‘Vur De Kerk Op ’t Plein’ is: alle veer daag verkleid!

Wies welke tied deure de evenemente?
In verband mit de vergunninge deure alle evenemente die Vur De Kerk Op ’t Plein waere georganiseerd wies 00:00. Allein ’t Wagebouwersfieës meug, umdát dit op zaoterdaag wuurd georganiseerd, ein eurke langer door wies 01:00. Hald dus raekening mit de vruuge eindtiéd en bin d’r op tiéd beej um niks te hoove misse.

Wielaat begint ’t Wagebouwersfieës en ’t Indrinke?
Vanwaege de eindtied van 01:00 en 00:00 en de starttied ván respektievelik De Toddezèk en John Tana beginne beide evenemente um 5 oor. Zörg dus dát geej d’r optied beej ziet um niks te hoove misse ván ’t programma.

Is jeug onder de 18 jaor gewoen welkom?
Jao, jeug onder de 18 jaor is ván herte welkom. Let wal op: op ’t terrein geldt uiteraard ’t NIX18-beleid. Beej de entree zal d’r kontrole plaatsvinde op laeftiéd: zörg dus dásse ein geldig ID beej de hand hes.

Wuurd d’r dit jaor ok gewoen ein Wuiluskrant verkoch?
Laes HEEJ alle informasie róndum de verkaup ván de Wuiluskrant.

Geit de Wuilusmis door?
Jao, de Wuilusmis geit gewoen door. ’t Belaof ein prachtige mis te waere mit mitwerking ván de Ravenvennerkapel en ’t Wuiluskoer. Vánaaf 11:00 vind de Wuilusmis op zóndaag 29 mei plaats in òzze St. Andreaskerk.

Wie werkt ’t mit bonne op ’t terrein?
Tiejes ‘Vur De Kerk Op ’t Plein’ zien andere bonne geldig às de standaard gaele Wuilusmunte, waomei dus NAET betaald kin waere. Munte kinne gekoch waere à € 2,50 per bon, mar daes zien ok in te wissele vur geld.

Wie kin ik mich opgaeve vur de optoch?
Klik HEEJ um alle informasie róndum ’t opgaeve vur òzze Groeëte Optoch te bekieke.